'Auto Jhony' for Chiru 150th Film..?

చిరు సినిమాకు టైటిల్ ‘ఆటోజానీ’ ??

చిరంజీవి అభిమానుల‌కు ఇది నిజంగా తీపి వార్తే. ఎప్ప‌టి నుంచో.. ఫ్యాన్స్ అంతా క‌ట్ట‌క‌ట్టుకొని ఎదురుచూస్తున్న 150వ సినిమా ఇప్పుడిప్పుడే ఓ కొలిక్కి వ‌స్తున్న‌ట్టు తెలుస్తోంది. ఆల్రెడీ ఈ సినిమాపై సీరియ‌స్‌గా ఫోక‌స్ పెట్టాడు చిరు. మొన్నామ‌ధ్య కేర‌ళ వెళ్లి క‌థ కూడా ఫైన‌లైజ్ చేసుకొని వ‌చ్చాడు. ఇప్పుడు ద‌ర్శ‌కుడ్నీ వెదికిప‌ట్టుకొన్నాడు. మ‌చ్చ ర‌వి అందించిన ఈ క‌థ‌కి పూరి జ‌గ‌న్నాథ్ అయితే సంపూర్ణ న్యాయం చేస్తాడ‌ని చిరు భావించాడ‌ట‌. అందుకే పూరిని పిలిచి స్ర్కిప్టు పూరి చేతిల్లో పెట్టేశాడ‌ని ఇండ్ర‌స్ట్రీ వ‌ర్గాల టాక్‌. ఎన్నాళ్ల నుంచో ఇదే అవ‌కాశంగా ఎదురుచూస్తున్న పూరి.. ఎగ‌రిగంతేసి మ‌రీ చిరు సినిమా ఒప్పేసుకొన్నాడ‌ట‌. అంతేకాదు.. ఇప్పుడు టైటిల్ కూడా క‌న్‌పామ్ చేసిన‌ట్టు టాక్‌. ఈ సినిమా కోసం ఆటోజానీ అనే పేరు రిజిస్ట‌ర్ చేయించిన‌ట్టు టాక్‌. చిరంజీవి సూప‌ర్ హిట్ మూవీస్‌లో రౌడీ అల్లుడు ఒక‌టి. అందులో ఆటోజానీ క్యారెక్ట‌ర్ ఫుల్లు కామెడీ పండించింది. ఇప్పుడు ఆ త‌ర‌హా పాత్ర‌తో రాసుకొన్న క‌థ ఇది. అందుకే ఆ పేరు పెట్టార‌ట‌. మొత్తానికి చిరు 150వ సినిమాకి మాంఛి ఊపు వ‌చ్చేసింది. పూరి నోటి నుంచి శుభ‌వార్త విన‌డ‌మే త‌రువాయి.